ISSF Junior WC: India laga Anushka Thokur Gold jitise 50-Meter Rifle 3-Positions Event te

New Delhi, 29 September : Shooting te, India laga Anushka Thokur women’s 50-meter rifle 3-positions event te gold medal jiti ase ISSF Junior World Cup te, Dr Karni Singh Range, Delhi te kali din. Itu Thokur laga second gold ase itu competition te, karon agey te bhi tai 50-meter rifle prone event te gold jiti thakise. Junior men’s 50-meter 3-position te, Adriyan Karmakar silver medal loise. India etiya medal tally te agey ase – charita gold, chuita silver aru tinta bronze medal loise.