Dubai, 29 September : India Pakistan ke paanch wicket te harai dise aru Dubai International Cricket Stadium, UAE te nijor ninth Asia Cup jiti loise. Tilak Varma laga not out innings, juntu tournament laga dangor finale te decisive hobo karon hoise, India ke jitai dise. Itu jit India laga Pakistan upor te perfect record extend kori loise, karon tinibar match te bhi India Pakistan ke harai dise – group stage te September 14 aru Super Four match te September 21 te.
India toss jitina first fielding select kori loise. Pakistan laga openers Sahibzada Farhan aru Fakhar Zaman dangor shuruaat dise, 9 overs te 84-run partnership banaise, kintu etu bichari jabar pichete Pakistan laga batting dhori na thaki, last over te 146 run te all out hoi jaise. Target India ke 147 run di dise. India laga chase shuru te dangor shock dise, 4th over te 20/3 hoi jaise, karon Pakistan laga bowler Faheem Ashraf aru dusra bowler khan bar wicket loi dise.
Tai pichete Shubman Gill aru Tilak Varma laga uporot responsibility ahi jaise. Kintu Gill infield clear kuribo chesta te out hoi ja karone India dangor danger te thaki jaise. pichete Sanju Samson join korina Tilak Varma logot 57-run partnership bonaise, juntu India laga hope jinda kori dise. 13th over te Samson out hoise, kintu Shivam Dube ahi jaise aru Tilak Varma logot milaikena 15th aru 16th over te 28 run score kori dise, aru baki thaka 4 over te 36 run dorkar thaki jaise. Tai logot calm thaki batting kori, Tilak Varma not out 69 run (53 ball) bonaise aru India ke last 6 overs te style te Asia Cup jitai dise, 2 ball baki thakile India jit confirm hoi jaise. Itu innings India cricket fans dimaag te bishi din thakibo. Dubai te thaka Indian fans bhi dangor celebrate kori dise. Itu India laga record 9th Asia Cup victory ase, aru cricket fraternity bhi congratulations di dise.
Kintu post-match ceremony te dangor confusion hoi jaise. ACC President aru Pakistan laga interior minister Mohsin Naqvi awkwardly stage te thaki jaise, karon Indian team presentation join nakori dise. Etu karone trophy bhi ground pora uthai lobo dise, normal celebratory handover nohoi kene. Post-match press conference te India captain Suryakumar Yadav announce kori dise ki tai laga pura Asia Cup 2025 laga match fees Indian Army ke donate kori dibo. Tai kotha manu ke bujai dise ki ekta champion team ke trophy deny kora situation extraordinary hoise, aru tai laga cricket career te agey te kitiabhi dekhi thakianai.
Tai conference te Yadav ekdom clear kori dise ki India laga unbeaten campaign aru players khan – Tilak Varma, Kuldeep Yadav aru Sanju Samson – laga collective effort actual victory represent kori thaki ase. Tai kotha te, “India Asia Cup 2025 Champions” stadium te display hobo, enough validation ase India laga historic ninth title karone. Next Asia Cup 2027 te ODI format te kheli jabo, World Cup 50-over laga agey te.
President Droupadi Murmu Team India ke congratulate kori dise Asia Cup jitibo karone, aru future te bhi India laga glory continue hobo buli wish kori dise.
Prime Minister Narendra Modi bhi congratulate kori dise. Tai India-Pakistan final ke Operation Sindoor logot compare kori, outcome bhi same thakise kuina kotha share kori dise.
Add Comment