NEW DELHI: Tuesday te Home Minister Rajnath Singh koishe Ami khan jeetile bhi nohoile harile bhi ami khan manu opor te discriminate nokuribo. Home Minister Rajnath Singh etu kotha toh Christian body para organize kora function te koishe. Etu function te Home Minister desh te mass conversion toh check kuribole laga kotha toh clear kurishe.
Mr Singh koishe tai toh kun manu bhi ke religion bhi follow kuribole freedom thaka toh tai support kure. Hoile bhi desh te mass conversion huwa toh etu toh concern hubole laga kotha ase.
Home Minister koishe kun opor te bhi government para eku laga discrimination nokuribo. Ami toh ketiya bhi kun ke bhi caste, creed aro religion opor te discriminate kora nai. Ami khan overnment banabole parile bhi naparile bhi. Nohoile bhi ami khan jeetile bhi harile bhi. Ami khan ketiya bhi manu khan discriminate nokuribo. Etu toh ami khan laga PM para bhi feel kure. Rajnath Singh Rashtriya Isai Mahasangh para function organize kora te koishe.
Mr Singh koishe manu khan morom nathaki kena power aro rule te thakibole naparibo. Etu toh ketiya bhi nohubo.
Add Comment