SRINAGAR: Tuesday te PDP chief Mehbooba Mufti local militants khan ke “Mati laga chokora” laga term dishe. Aro tai khan ke bachabole efforts kuribole lagay koishe. Etu kotha te PDP Chief kotha add kuri kena koishe ke Centre toh Jammu aro Kashmir te “gunculture” khotom kuribole militants leaders logote dialogue kuribole lagay.
PDP chief Muft Anantnag te party function khotom huwa pichete reporters ke koishe etiya toh Centre toh Pakistan aro separatists khan logote kotha kuribole lagi ase. Etu genika he miltant leadership logote bhi kotha kuribole lagay. Kile koile tai khan logote he hatiyar toh ase aro tai khan khan he”gun culture” toh khotom kuribole paribo.
Muft koishe ami bisas kuri as eke kunba stage te Hurriyat Conference aro militants logote kotha toh kuribole lagibo.
Hoile bhi former chief minister koishe militants khan logote kotha kuribole toh etiya bishi joldi ase. Mehbooba Mufti koishe local militants khan toh violence khan laga rasta te berabole prevent kuribole lagay.
Mehbooba Mufti koishe ami 1996 te politics te aha samay para ami koi ase ke local militants toh “mati laga chokora”ase. Aro tai khan ke bachabole maximum efforts dibole lagay. Kile koile tai khan toh ami khan laga assets ase.
PDP president toh Monday te 2016 JNU sedition case laga chargesheet file kora laga samay opor te question kurishe. Etu te saatha kashmiris khan laga naam dishe. Etu chargesheet hesab te students khan toh Lok sabha elections agote tai khan ke political points score nimite use kurishe.
Add Comment