October 03, 2025, 06:03 PM: Itu Additional Deputy Commissioner, Pungro, Neilezo Tep para ekta order issue kurishey, partial restriction enforce kuri kena, gari khan aha jawa kuria laga opor tey, Zungki River aru Kiusam Town majetey, 3rd October para 31st October, 2025 majetey.
Itu restriction toh hoiley enforce kuria toh, mati katiboley, raasta banaboley aru notun nala khan laga pipe khan expedite kuriboley aru facilitate kuriboley karney asey, itu “Raasta laga Improvement kuriboley, NH-202 Junction para Pokphur via Phelungre, Kiusam Hq. (Kiphire) tak tey”. Itu kaam toh hoiley, North East Construction (NEC), Chumukedima para execute kurishey, itu PWD (R&B), Nagaland laga Department para.
Itu gari aha jawa kuria laga restriction toh hoiley, – 3:00 AM para 6:00 AM, 8:00 AM para 12 Noon aru 2:00 PM para 5:00 PM tak thakiboley asey.
Itu public khan ke tai khan travel khan kuriboley thaka toh itu laga hisap tey plan kuriboley advise kurishey, inconvenience komti kuriboley. Itu NEC ke direct kurishey, ensure kuriboley ki, itu site toh hoiley bhal para secure kuriboley aru kaam toh hoiley di kena thaka homoi tey complete kuriboley karney. Tai khan para aru bhi state kurishey ki, medical emergency aru essential government duty khan toh hoiley itu restriction khan para obstruct nakuribo, koi kena.
Add Comment