Saturday, October 4 – Pakistan side ekta important proposal dishe United States logote, juntu under ekta plan ase new deep-sea port banabo aru manage kuribole Arabian Sea side, Pasni jagate, Balochistan district, near Gwadar. Etu port project economic aru trade cooperation laga part ase, military use karone nohobo, report hisap te.
Pasni port plan ase Pakistan laga western side mineral-rich area logote connect kuribo — especially Reko Diq copper aru gold mines, juntu Barrick Gold (Canada company) develop kuri ase. Etu connection te Pakistan laga export aru trade power bishi improve kuribo pare.
Ekta U.S. company, US Strategic Metals (USSM), already MoU sign kuri ase Pakistan laga military engineering division logote, mining aru infrastructure project te investment kuribo karone. USSM interested ase port development aru refinery project te bhi.
Experts khan koi ase etu step Pakistan laga ekta effort ase China logot balance rakhibo karone, karon Gwadar port already China laga Belt aru Road Initiative (BRI) te ase. U.S. logot etu new port project Pakistan karone ekta chance hobo, U.S. investor aru technology attract kuribo karone, aru America karone bhi ekta opportunity ase region te influence thakibo karone.
Jodi etu plan successful hoile, Pasni port future te ekta important trade aru transport center banibo pare Arabian Sea region te. Etu nutun partnership Pakistan aru United States laga relation ke stronger banabo pare aru regional politics te bhi ekta navi direction dibo pare.
Add Comment