Israel, October 4 – Israel Saturday din bhi Gaza te attack kuri thakishe, juntu attack te komse kom 6 jon manu mori jaishe, olop din pichete para former U.S. President Donald Trump laga kotha hobo para bhi Israel bondu nakuri thakishe. Trump Israel ke request kuri thakishe ki bombing stop kuri dibole aru peace aru hostage deal age loi jabole.
Report hisap te, ekta airstrike Gaza City te ekta residential house te mari thakishe juntu te char jon civilian mori jaishe, aru ekta Khan Younis, southern Gaza te bhi strike hoishe aru dui jon mori jaishe. Trump laga peace plan 20-point proposal ase, juntu laga motive hoishe conflict ke stop kuribole, Hamas aru Israel ke ekta understanding te anibole.
Israeli Prime Minister Benjamin Netanyahu laga office para koishe ki Israel “immediately implement” kuribo Trump-backed plan laga first phase, juntu te hostage release aru humanitarian aid include kuri ase. Kintu Israeli military te confirm kura nai operation komi dibole.
Gaza Health Ministry report te, October 7, 2023 para war shuru hoi pichete, 66,000 para bishi Palestinian mori jaishe. Hamas laga attack te 1,200 para bishi Israeli mori thakishe aru 200 para hostage loi jai thakishe, juntu majot 48 jon aji bi Gaza te ase buli Israel claim kurishe, aru 20 jon alive ase. World para ceasefire laga pressure bishi hobo thakile bi, Israel aru Hamas majot mistrust karone negotiation weak ase. Gaza laga humanitarian situation khub danger te ase, building bishi destroy hoi jaishe aru aid supply bhi restricted ase.
Add Comment