October 06, 2025, 05:34 PM: Itu 1st Inter-Ward Football Tournament shuru hoishey, Dimapur Municipal Council Trophy 2025 nimitey, 6th October, 2025 tey, DDSC Stadium, Dimapur tey. Itu event toh hoiley Dimapur District Veteran Football Association (DDVFA) para organize kuria laga thakishey, itu Dimapur Municipal Council (DMC) logotey collaborate kuri kena – unity, sportsmanship, aru community engagement promote kuriboley aim kurikena, football para. Itu opening ceremony toh hoiley Dimapur laga Deputy Commissioner – Dr. Tinojongshi Chang, NCS para grace kurishey, tatey Special Guest hisap buhi kena. Tai laga address tey Dr. Tinojongshi Chang para DDVFA aru DMC para itu initiative loa laga appreciate kurishey, ekta platform banaboley, inter-ward collaboration nimitey, football nimitey. Tai para eneka nishina event khan laga role emphasize kurishey, healthy community khan build kuriboley laga tey aru local talent khan nurture kuria tey. DMC Chairperson Hukheto Yepthomi para itu event tey kotha kuri kena, tai para sport khila laga vital role highlight kurishey, disciplined, healthy, aru responsible citizen khan shape kuria tey. Tai para aru bhi Dimapur District Veteran Football Association (DDVFA) ke commend kurishey tai khan lamba homoi para football development ke contribute kuri thaka nimitey, unity foster kuri kena – sport khan para aru jawan generation khan ke mentor kuri kena. Itu ceremony toh hiley ekta invocation logotey shuru hoishey, Moalong walling, Pastor, Yinsem fellowship, DABA para lead kuri kena, aru DDVFA laga General Secretary – Apan para welcome address koishey.
1st Inter-Ward Football Tournament Shuru Hoishey, Dimapur Tey
Add Comment