Ahmedabad, 7 October : 11th Asian Aquatics Championships 2025 laga third day te, Water Polo aru Artistic Swimming event te Monday din Veer Savarkar Sports Complex te India laga Men’s Water Polo team Kazakhstan logot 6-20 para harise.
Artistic Swimming te, Kazakhstan laga Karina Magrupova aru Viktor Druzin Women’s Solo Free aru Men’s Solo Free category te top position loise.
Men’s Group B te Kazakhstan India ke 20-6 parai kene ekta strong victory loise. Kazakhstan laga Baltabkuly Adil aru Nedokontsev duita 4 goal kori dise, Tosoy Eduard tinita net kori dise, aru Lamayev Maxim, Shakenov Murat aru Akimbay Aldiyar duita-duita goal kori dise. Akhmetov Ruslan, Madimar Almat aru Bobrovskiy Mstislav ekta-ekta goal add kori dise. India laga side te Bhagesh Kuthe 3 goal banai dise, aru Uday Uttekar aru Praveen Gopinathan ekta-ekta goal add kori dise.
Women’s Group A te Japan para Singapore ke 26-13 haraise. Japan tai laga laga good form continue korise — Kobayashi Maho 6 goal banai dise, Sobajima Sakura 4 goal, aru Captain Fukuda Shoka, Lowrey Nina, Sanda Yumeka aru Shironoshita Kaho 3-3 goal kori dise. Shibata Kanade 2 goal aru Bando Riko aru Eguchi Seira ekta-ekta goal add kori dise. Singapore laga side te Yap Jingzuan 4 goal banai dise, Lim Wan Jun aru Lee Xuan Hai 3-3 goal, aru Tio Ji Suan, Koh Ting aru Yeo Ying ekta-ekta goal add kori dise.
Add Comment