Athens, 8 October : ISSF World Championship 2025 Shotgun aji para Athens, Greece te shuru hobo. India para 12 member laga team jabo, juntu te Asian trap champion Neeru Dhanda aru Olympians Anantjeet Singh Naruka, Mairaj Ahmed Khan aru Raiza Dhillon ase, aru olop competition te India ke represent koribo.
Men’s skeet te, Anantjeet Singh Naruka mixed team event te compete koribo Maheshwari Chauhan aru Mairaj Ahmad Khan logot. Women’s skeet te, Raiza Dhillon squad te ase Ganemat Sekhon aru Parinaaz Dhaliwal logot.
Trap events te, Zoravar Singh Sandhu lead koribo ekta experienced lineup, juntu te Bhowneesh Mendiratta aru Vivaan Kapoor bhi ase men’s category te. Asian champion Neeru Dhanda, Aashima Ahlawat aru Kirti Gupta milikekor women’s trap squad banai ase.
Itu competition te 68 desh para 406 jon athlete participate koribo, aru itu Malakasa Shooting Range te hobo. Athens para medal jitia sob athlete khan automatic qualify koribo ISSF World Cup Final 2025 lagi, juntu Doha, Qatar te itu saal pichete hobo.
Add Comment