Kohima, October 9 – State-level launch of Tobacco Free Youth Campaign 3.0, juntu organize kora hoishe by National Tobacco Control Programme (NTCP) under Department of Health & Family Welfare, Nagaland, hold kurishe Baptist College, Kohima te 9th October 2025 te.
India laga Ministry of Health & Family Welfare (MoHFW) laga tobacco control aru tobacco-free generation laga vision logote milikina, etu Tobacco Free Youth Campaign (TFYC) ke ekta annual national initiative hisap te establish kora hoishe 2023 para. Etu campaign laga main aim ase educate aru empower kuribo young generation khan ke jate taikhan tobacco use resist kuribole aru quit kuribole.
Commissioner & Secretary, Health & Family Welfare Department, Anoop Khinchi, IAS, official launch korishe Tobacco Free Youth Campaign (TFYC) 3.0. Tai nijor speech te koishe ke etu launch “timely aru strategic” ase, karon Nagaland te adults aru children duita te bhi tobacco use bishi ase, aru shuru koribo laga age bhi komti jai ase. Tai koishe ke isolated intervention para move kora ekta system-wide approach adopt kuribo lage.
Tai emphasize korishe ke tobacco use ekta major public health problem ase, aru bhisi strong inter-departmental coordination, tobacco vendor licensing, aru stakeholders laga capacity building dorkar ase. Tai koishe, “Sob school jodi tobacco-free declare hoile, sob bosti jodi law enforce kurile, aru sob young person jodi tobacco nakhabo koi decide kurile — to etu hobo ekta step towards healthier Nagaland.” Tai Anti-Tobacco Pledge bhi administer korishe, collective commitment reaffirm kurikina.
Keynote Address te, Dr. Mereninla Senlem, Principal Director, Directorate of Health & Family Welfare, koishe ke TFYC 1.0 aru 2.0 time te Nagaland bishi progress korishe — bishi schools aru village declare kurishe Tobacco Free Educational Institution aru Tobacco Free Village hisap te, aru COTPA 2003 aru PECA 2019 laga enforcement bhi strengthen kora hoishe. Kintu tai highlight korishe ekta serious challenge bhi ase — Global Youth Tobacco Survey (GYTS-4) hisap te, 13–15 years laga school-going children khan majote 43% tobacco use kura, aru Global Adult Tobacco Survey (GATS-2) te bhi same percentage dekha jai.
Opening Remarks te, Dr. Keveduyi Theyo, Mission Director, National Health Mission, Nagaland, reaffirm korishe Government laga commitment preventive health aru young people majot behavioural change anibo nimite. Tai students khan ke encourage korishe campaign laga ambassador banabole, aru tobacco use laga harmful effects laga awareness spread kuribole, jate taikhan nijor friends aru family khan ke influence kuribole healthy choice lobole.
Tai 60-day campaign laga importance highlight korikina, district khan ke urge korishe innovation aru leadership dikhabo nimite daily reporting, review aru field action laga dora te.
Campaign laga highlights present korishe Dr. I. Simon Sumi, State Nodal Officer, NTCP. Tai explain korishe ke daily reporting aru periodic state-level review hobo, aru pura 60 days campaign period te bishi activities aru awareness drives organize kora hobo district level te.
Event te chair korishe Dr. Enünü Sale, Assistant Professor, Department of English, Baptist College. Invocation aru welcome note deliver korishe Dr. Kewepfuzu Lohe, Principal, Baptist College Kohima, aru programme vote of thanks logote end kora hoishe Dr. Neingutunuo Angami para, District Nodal Officer, NTCP Kohima.
Add Comment