Dimapur, October 9 – Ao vernacular daily Tir Yimyim celebrate korishe taikhan laga 22nd anniversary Wednesday din, 8th October 2025 te, Business Association of Nagas (BAN) Conference Hall, DC Court Junction, Dimapur te. Etu celebration time te official launch bhi kurishe ekta AI-powered translation website “Ao Lingo”, juntu design kora hoishe translate kuribo nimite Ao aru English language majote.
Short address te, Ningsangwaba Pongen, President of Ao Senso Telongjem Dimapur (ASTD), God ke dhanyobaad dishe Ao community khan ke blessing diye karome ekta visionary aru dedicated leader nishena — K. Temjen Jamir, Editor-in-Chief of Tir Yimyim. Tai Jamir laga humanitarian contribution aru public service te dedication ke appreciate kori dishe aru Tir Yimyim ke congratulate kori dishe 22 years complete kura karone impactful journalism continue kurithaka nimite.
Welcome address te, K. Temjen Jamir reflect korishe newspaper laga journey last 20 years te, challenges aru achievements dukhon mention kurishe. Tai heartfelt appreciation dishe sob readers aru well-wishers khan ke, aru remark korishe, “Tir Yimyim belongs to everyone.”
Newly launched Ao Lingo platform uporte kotha kurishe, Jamir explain korishe ke etu ekta AI-driven translation tool ase develop kurishe Bendangnüksüng, Machine Learning Engineer, Amsterdam, Netherlands te thaka. Etu platform allow kore Ao aru English majote translation, aru karon toh AI dvara chuli, Jamir urge korishe community khan ke use kuribo nimite, jate system continuously hiki bole pare aru aji para aage te accuracy improve hobo.
BAN President, Mongkum Jamir official launch korishe Ao Lingo website. Celebration laga ekta hissa te, SDO (Civil) Peren aru Bookipedia co-founder, Sentilong Ozüküm, facilitate korishe “Yimdangjem Otsü Zulu Toktep” (Fiction Writing Competition) laga prize distribution, juntu jointly organize kora hoishe Bookipedia aru Tir Yimyim para.
Marnungtet Ozüküm first prize jiti she story “Shiti” karone, aru receive korishe ₹20,000 cash prize with citation. Second prize jointly jiti she S. Aosüngküm Ozüküm (Kita Chir) aru Imli P. Lemtur (Memenudang Kindangi Shilanangma), duijon ke ₹15,000 dishe, aru third prize jiti she M. Senthy Jamir (Medemer Tajung Ana) aru Temjentenzük (Kiyimdang Sepokba Hon Keri Ayok), duijon ke ₹10,000 dishe.
Speech te, Sentilong Ozüküm express korishe satisfaction bishi strong participation dekhishe competition te. Tai sob participants aru contributors khan ke appreciate kori dishe aru encourage korishe creative writing continue promote kuribole community majote.
Event time te ekta pre-recorded video message bhi show kurishe Bendangnüksüng para, juntu te tai community ke urge korishe Ao Lingo platform use kuribo nimite, jate AI system aro bhal hiki bole pare aru time te efficiency improve hobole.
Event end hoishe ekta note of gratitude logote sob supporters ke dhanyobaad dikina. Etu occasion mark korishe ekta significant milestone Tir Yimyim karone, juntu continue kurishe tai laga mission — promote kuribo language, literature aru innovation digital age te.
Add Comment