Shanghai, 10 October : Novak Djokovic laga himmat aru experience aro ekbar bar bhal para dikhi paise, tai Belgium laga Zizou Bergs ke 6-3, 6-4 te haraise Thursday din Shanghai Masters 2025 te semi-final te jagah fix kori lobo karone.
Physical condition te bhal nahoi thakile bi, 38 saal laga Serbian player-e ATP Masters 1000 stage te tai laga domination ke aru ekbar extend kori dise, aru history te sabse dangor umor laga semi-finalist banise.
Djokovic, ja laga leg problem aru garmi karone exhaustion bhi hoise tai laga fourth-round match te Jaume Munar laga khilaf, itu match te bhi test hoise, karone condition khan tough thakise.
World No. 5 Djokovic laga left foot te discomfort thaka dikhaise first set te, kintu tai himmat loina khelise, 80th Masters 1000 semi-final reach kori loise — itu bhi tai laga career te aru ekta record ase.
Serbian player victory seal koribo lage thakise kitia taike Bergs ke break kori 5-4 lead loi loise second set te, kintu 26 saal laga Belgian player, Djokovic laga khilaf itu first ATP Head2Head match ase, impressive spirit dikhai turant break back kori dise.
Itu piche ase tournament laga ekta most thrilling rally — Djokovic survive kori loise four smashes aru ekta daring volley Bergs laga piche, aru powerful rally te break reclaim kori loise. Itu bar, tai mistake nohoi, confidently serve kori match win confirm kori loise.
24-bar Grand Slam champion Djokovic etiya matik duita win dur ase ta laga record-extending 41st Masters 1000 title pabo karone — aru ta laga first title hobo since 2023 Paris Masters.
Djokovic aru Shanghai final laga majot etiya ase Valentin Vacherot, Monegasque qualifier jaike 10th seed Holger Rune ke 2-6, 7-6(4), 6-4 te harai surprise victory loi ase itu dinte.
Add Comment