BENGALURU: Thursday te Hindustan Aeronautics Ltd (HAL) koishe Light Combat Helicopter (LCH) toh tai laga hatiyar trial kora khotom hoishe. Etiya Light Combat Helicopter toh operation induction nimite taiyar ase. Light Combat Helicopter (LCH) toh state para chola Hindustan Aeronautics Ltd (HAL) para banaishe.
City-based defence major statement te koishe heli thaka aerial target te air-to-air missile mari bole para nimite LCH milestone achieve kurishe.
Hatiyar laga trial toh Chanipur Odisha coast te agi-kali he hoishe. Etu hatiyar laga test toh pilot Wing Commander (retired) Subash P. John, HAL laga flight test engineer Col. Ranjit Chitale (retired) aro Indian Air Force (IAF) Group laga test pilot Captain Rajeev Dubey para kurishe.
Statement hesab te test kora samay te aeril target te firect hit kuribole parishe.
Defence behemoth laga chairman aro managing director R. Madhavan claim kurishe ke helicopter para air-to-air missile engagement kora toh desh te first time ase koishe.
Mr R. Madhavan koishe etu test pura kuri kena LCH toh tai laga pura hatiyar integration tests pura kurishe aro LCH etiya operational induction nimete taiyar ase.
LCH te 20mm turret gun bhi ase aro LCH laga dusra hatiyar hesab te 70mm rockets ase. Etu hatiyar khan laga firing trail toh 2018 te hoi jaishe.
Company koishe Siachen Glacier(Himalayas laga Karakoram mountain range) laga altitudes te duniya te LCH ekta ekla hamla koribo para laga helicopter ase.
Helicopter toh helmet mounted sight aro agay sabole para infrared sighting system para equip hoi kena ase. Etu equipments para LCH pilots ke target bisaribole aro khotom kuridibole paribo. LCh para target toh mati te nohoile akash te hoile bhi target besaribole paribo.
Company koishe etu sights khan use kuri kena pilots helicopter noghurai kena ke target op rte bhi missile launch kuribole paribo.
HAL koishe Defence Acquisition Council para 15 LCHs laga first batch approave kurishe. Dosta toh IAF nimite aro panchta toh Indian army nimite.
Add Comment