October 10, 2025, 06:26 PM: Computerized Primary Agriculture Credit Cooperative Societies Ltd. opor tey ekta Programme organize kurishey, itu Cooperative Societies Mon laga Assistant Registrar laga office para, 10th October, 2025 tey, DRDA Conference Hall, Mon tey para.
Commissioner & Secretary, IPR aru Cooperation Department Government of Nagaland, Orenthung Lotha para itu sob Primary Agriculture Credit Cooperative Society khan laga member khan ke thanks janaishey. Tai para itu UN declaration samjhaishey, itu Cooperation 2025 laga International Saal laga aru koishey ki, itu International Year of Cooperatives 2025 toh hoiley public awareness raise kuriboley karney asey, cooperative contribution khan laga, sustainable development laga, growth aru development promote kuriboley aru cooperative eco-system khan majbut kuri kena, supportive legal framework khan nimitey advocate kuriboley aru leadership inspire kuriboley, youth khan ke engage kuri kena ar notun leader khan ke foster kuri kena, itu cooperative movement tey.
Cooperative Societies, Kohima, Nagaland laga Joint Registrar – Vikosielie Nagi para ekta keynote address dishey, Computerized Primary Agriculture Credit Cooperative Societies opor tey. Tai paratai laga gratitude express kurishey, itu Commissioner & Secretary, Orenthung Lotha ke, tai laga initiative nimitey, itu grassroots level tey punchiboley. Tai para tai khan ke computer khan laga advantage loboley koishey, aru tai khan laga society khan upgrade kuriboley encourage kurishey.
Cooperative Bank Mon laga Chief Manager – W. Chemkai Konyak para koishey ki cooperative bank khan toh cooperative society khan nahoiley run kuriboley napery. Tai khan itu Cooperative Bank laga malik khan asey. Tai para tai khan ke self confidence banaboley, strong commitment aru decision banaboley koishey. Tai para loan khan thik homoi tey tiraboley appeal kurishey.
Itu programme toh hoiley, Mon laga cooperative society khan laga Assistant Registrar para chair kurishey.
Add Comment