Vantaa, 11 October : India laga Anmol Kharb Friday te Finland laga Vantaa te choli thaka Arctic Open 2025 tournament te women’s singles quarterfinal te Amalie Schulz ke harai kene tai laga agey BWF Super 500 semifinals te pohnchise.
India laga Anmol, juntu women’s singles BWF ranking te 62 number te ase, Danish world No. 63 player ke 21-15, 21-14 score te sirf 36 minute te harai kene itu round te ulaise. Tai laga BWF Tour tournament te sobse bisi achievement tou jaa saal Guwahati Masters Super 100 te runner-up finish koria ase.
Semifinal te Anmol Kharb top seed Japan laga Akane Yamaguchi nohoile Danish eighth seed Mia Blichfeldt logot mukabla kuribo.
Add Comment