North Korea, October 11 – Ekta dangor military parade te North Korea show korishe taikhan laga “most powerful” intercontinental ballistic missile (ICBM) – Hwasong-20, Pyongyang te. Parade toh mark korishe ruling Workers’ Party laga 80 years anniversary, aru display korishe country laga barha military power.
Parade toh bishi attention loi ase karon Russia, China aru Vietnam laga top officials bhi attend kori thakishe, juntu North Korea aru taikhan laga allies logote barha relationship dikhai ase. Tai khan laga majote thakishe Dmitry Medvedev, Russia laga Security Council laga deputy chairman; Li Qiang, China laga Premier; aru To Lam, Vietnam laga President. Tai khan laga presence dikhai disge ki Pyongyang Russia aru China logote nijor military aru diplomatic cooperation barhai ase, world te tension utha thaka time te.
Hwasong-20 laga logote, North Korea display korishe long-range cruise missiles, ground-to-air aru ground-to-ground systems, aru notun drone launch vehicles, juntu dikhai dishe ki taikhan laga conventional aru nuclear power duita bhi develop kori ase.
Parade time te, leader Kim Jong Un praise korishe North Korean soldiers juntu reportedly Russia logot Ukraine war te fight kori ase. South Korea laga estimate hobo hisap te, around 600 North Korean soldiers mori jaishe aru olop beshi wounded bhi ase.
Etu parade toh khali ekta military show nohoi, kintu ekta strong political message bhi ase — ki North Korea taikhan laga allies logote milikina global power balance te nijor position majbut kori bole try kori ase.
Add Comment