New Delhi, October 11 – India te thanda winter laga sambhavna ase, karon meteorologist khan confirm kori dishe ki central equatorial Pacific Ocean te La Niña condition wapas ahishe. Etu toh December 2025 para February 2026 te thakibo, etu toh 5th La Niña event hoishe choi(6) saal majote. Kintu expert khan koi ase ki etu weak aru short-lived hobo.
La Niña, El Niño-Southern Oscillation (ENSO) cycle part ase, aru etu time te eastern Pacific Ocean te sea surface temperature normal para komti thake. Etu phase te strong trade wind khan warm water ke west direction loi jai, aru eastern Pacific te cold water rise hoi. Etu natural climate pattern duniya logote weather affect kore, aru India te bhi impact ase.
Northern India te upcoming La Niña logote thanda temperature hobo, aru plains te cold wave aru hilly region te heavy snowfall hobo. Himachal Pradesh, Uttarakhand, aru Jammu & Kashmir jiman state te beshi hobo , aru local transport aru tourism te effect hobo.
La Niña monsoon season te beshi rainfall loi ahibole mane, kintu winter te mainly temperature komti thakibo aru occasionally unseasonal rainfall hobo. Farmer aru cold region te manu khan logote, winter start age prepare kori thakibo lagibo.
Climate expert khan caution dishe ki weak hoilebi, La Niña energy consumption, agriculture, aru water resource te effect dibo pare. Thanda winter logote heating demand beshi hobo, aru mountain te timely snowfall water reservoir maintain kori thakibo help koribo.
Authority khan health impact monitor kori ase, karon prolonged cold wave logote respiratory aru cardiovascular problem baribo pare. Public advisory olop cold region te expect kora ase, aru citizen khan preventive step loi thakibo lagibo.
Add Comment