October 17, 2025, 05:39 PM: Nagaland University para ek din laga capacity building program (Training of Trainers) organize kurishey, “Investigation & reporting, framing chargesheets, & ekta CTE-type intensive examination conduct kuei kena” itu laga opor tey, itu Vigilance Awareness Week 2025 laga observation laga part thaki kena, itu Conference Hall, Administrative Complex, Lumami tey para.
Itu event laga Resource Person toh Zunheboto Police laga Additional Superintendent- Smt. Tiamenla Phom thakishey. Itu inaugural ceremony tey, Law laga Dept. laga Asst. Prof. – Dr. Rumi Dhar para chair kurishey. Itu programme laga introduction toh Shri Kahoshe Sumi, Deputy Registrar (GAD), Nagaland University para dishey. Nagaland University laga VC- Prof. Jagadish K. Patnaik para khata speech dishey, tai para participant khan ke exhort kurishey, itu annual observance para bishi jaboley, Vigilance Week laga aru vigilance practice kuriboley, transparency logotey, itu workplace tey.
Care kuriboley lagi asey, ensure kuriboley ki, misa-mishi-chutu-mutu complaint khan toh itu system ke destabilize nakuriboley aru itu University fraternity ke demoralize nakuriboley, itu same homoi tey, sob manu khan toh hoiley eke kaam kuriboley lagey, eneka hoiley hey manu khan itu system ke bisas kuriboley paribo, aru sustain kuriboley paribo, tai para samjhaishey. Tai para majbut institutional value khan lagi thaka bhi emphasize kurishey.
Add Comment