Zoravar Singh Sandhu, Historic Bronze jitise ISSF Shotgun Worlds 2025 te

Athens, 18 October : Indian shooter Zoravar Singh Sandhu etiya itihaas banai loise kitia tai men’s trap te bronze medal jiti loise ISSF World Championship Shotgun 2025 te, juntu Athens, Greece te hoise. Kothin weather aru light condition te compete kori thaka time te, Zoravar final match te 50 target majot 31 hit kori loise, Croatia laga Josip Glasnovic aru Spain laga Andres Garcia laga pichete finish korise. National Rifle Association of India laga President Kalikesh Singh Deo etu jeet ke ekta historic moment hisab te describe korise, Zoravar laga dedication aru coach Peter Wilson laga team laga mehnat ke credit dise. Itu hoise desh laga tisra medal men’s trap shooting event te Shotgun World Championships te. Manavjeet Singh Sandhu gold medal jitise men’s trap te Zagreb 2006 te, aru Karni Singh silver medal paise 1962 championships te juntu Cairo te hoise.