FIFA Rankings Shock: India tou 136th Position te girise

New Delhi, 18 October : Indian football laga kharab performance international stage te bi cholise itu karone men’s senior national team latest FIFA World Rankings te 136th position te girijaise — itu India laga November 2016 pora sobse low position ase. Friday te release kora itu ranking te Blue Tigers laga duk bi dangor kori dise, itu karone tai 2026 FIFA World Cup aru 2027 AFC Asian Cup duita laga qualification pora bi baahar hoijaise. Pichla 2023 te Intercontinental Cup, SAFF Championship aru Tri-Nation Series te India ekta jiti thaka team hisab te ahise, kintu pichla ekta saal te tai laga performance bishi niche jaise. Itu promising period te India top 100 te uthi thakise, kintu Qatar te hoise AFC Asian Cup te India group stage te tinita haar khaina aru ekta bi goal score nakorina baahar hoi jaise. Tatey pora national setup te bi stability thakianai — dui saal pora kom time te tinita head coach change kori dise. Igor Štimac ke pichhe hatai dise, tai laga jagate Manolo Márquez ahi thakise, aru tai pora Khalid Jamil ke appoint kori dise. Jamil laga under te India olob improvement dikhai dise — especially CAFA Nations Cup te, ekta friendly tournament juntu te team tactical improvement dikhai dise — kintu competitive match laga result itia tak bi disappointing ase.