Australia India ke thrash kurishe 7 wickets para rain-hit Perth ODI te

New Delhi, October 19, 2025 –  Australia laga team India ke ekta dangor har di dishe, seven wicket te, first ODI match te Perth Optus Stadium te. Barish aru batting fail milaike India laga eight-match winning streak bhi khotom hoijai she. India first batting loi thakishe, kintu Australian bowler khan laga fast bowling te India pura struggle kuri jabo pare nai. Barash rukhi she aru DLS rule hisap te Australia ke 131 run target diya hoi she, juntu taikhan 21.1 over te easily reach kuri loishe. Australia laga captain Mitchell Marsh 46 run marikina match finish kuri dishe. India laga duijon senior player Rohit Sharma aru Virat Kohli laga comeback bhi disappointing thakishe. Rohit khali 8 run kurikina out hoijaishe, aru Kohli zero te wicket dishe. Tai jun bhi Perth laga bounce aru fast pitch te adjust kuri bole pare nai. India laga baki batsman khan bhi struggle kuri thakishe, karon training time komti thaka karone condition te adapt kuri bole pari nai. Shubman Gill ODI captain bhi tough initiation face kurishe. Team pura rusty aru confidence kom dekhai she. Middle order te thoda resistance dikhishe, kintu momentum te pani ulai jaishe. Australia laga pacer khan home pitch te perfect bowling kuri dishe, aru India ke pura pressure te rakhi dishe. Australia karone etu win dangor significance ase — Optus Stadium te taikhan laga first ODI victory paishe, aru tactical discipline aru patience dikhai dishe. Australia etu win logote 1–0 lead loi loishe series te, aru India ahibole match te nijor batting form wapas loi ahibole try kuribo lagibo, specially Perth laga fast aru bouncy pitch te adapt kuri bole.