October 21, 2025, 06:04 PM: Itu Nagaland State Legal Services Authority (NSLSA) para ekta seminar organize kurishey, “Environmental law khan aru itu pollution aru environmental degradation laga biya impact” opor tey. Itu Nagaland State Pollution Control Board logotey collaborate kuri kena, Japfü Hotel, Kohima tey, 18t October, 2025 tey.
NSLSA Member Secretary, Neiko Akami, NJS para itu keynote address kuria homoi tey, aru bhi bishi programme khan conduct kuriboley lagi thaka opor tey koishey, manu khan ke sensitize kuriboley aru awareness banaboley karney, alag alag Stakeholder khan thaki kena aru tai para moi khan laga forest environment, water resource khan conserve aru protect kuriboley lagi thaka laga importance highlight kurishey, aru bhi biya nahoi diboley karney.
“Bhal raasta thaka toh hoiley economy ke boost kurey aru travel kuria kea ram diye, hoilebi bishi para mati kati thaka para moi khan laga nodi khan toh letra para hey bhorta asey, soil erosion khan hoi ken aitu cultivate kuri kena thaka kheti kha aru alag Agri-allied poduct khan affect kuriey thaki asey. Bishi irrigation mati khan bhi biya kuri dishey, khawa loa laga productivity komti kuri di kena, aru gaas khan plant khan kuria biya kuri di kena. Moi khan laga nodi khan toh hoiley exploit kuri dishey aru tatey maas khan bhi bishi para komti hoi jaishey, pani bhi komti giri kena opor para. Moi khan laga forest khan toh bishi para raasta construct kuriboley aru alag natural resources khan exploit kuriboley nimitey destroy kuri di kena asey, mati tey”, tai para koishey.
Add Comment