Kohima, October 23 – Red Run 3.0 event logo aru general category participant laga entry khan open kuribole official unveiling laga Curtain Raiser Press Conference to 23rd October 2025 te Nagaland Olympic Association Office, Kohima te hold kurishe.
Etu event toh Nagaland State AIDS Control Society (NSACS) para organise kurishe, collaboration te ase Nagaland Olympics Association (NOA) aru Nagaland Athletics Association (NAA) logote, aru host kuri ase Government of Nagaland para. Etu event ke support kuri ase National AIDS Control Organisation (NACO), Ministry of Health & Family Welfare, Government of India para, HIV prevention, stigma kam kuribole aru community participation ke promote kuribole — HIV aru STIs ke ladai karone.
Press conference toh national event laga curtain raiser hobo nishena ase aru tinta main launch ke highlight kurishe —Red Run 3.0 laga official logo release, Open (General) Category – 2 km run karone registration laga QR code launch, aru Open Category runner khan karone official jersey launch.
Conference te bhi janai dise ki Red Run 3.0 ekta flagship initiative ase juntu HIV aru sexually transmitted infections (STIs) laga awareness raise kuribole, healthy aru active lifestyle promote kuribole, aru youth aru community khan ke health aru well-being karne ekta collective action te jori dibole banaishe. Etu saal laga event toh Open (General) Category Run ase — 2 km distance, juntu te around 700 runner participate kuribo expect kuri ase. Participant khan te include kuri ase schools, colleges, youth organisations, churches, government departments, local communities, NGOs aru any partner khan — juntu event ke truly inclusive aru participatory banai dishe.
Office para bhi inform kuri ase ki General Category (2 km Run) laga registration toh online ase — 200 participant tak first-come, first-served basis te open ase. Register kuribole, participant khan ke QR code scan kuri online form fill up kuribo lage. Registration limit reach hoi jaile automatically close hoi jabo, tai interested participant khan ke early register kuribole encourage kurishe.
Eneka, 10 km Competitive Category te 35 State aru Union Territory laga state-level champion khan participate kuribo — each state para dui ta boy aru dui ta girl. Etu young athlete khan sportsmanship, awareness aru HIV stigma khotom kuribole commitment represent kuribo.
Red Run 3.0 laga official logo release, Open (General) Category – 2 km run registration laga QR code launch, aru Open Category runner khan karone official jersey launch toh formally kurishe Principal Director of NSACS Dr. Ahu Sekhose; Assistant Secretary General, Nagaland Olympics Association, Neivikuolie Khatsu; Joint Director (IEC), NSACS, Ate Sakhrie; aru Honorary Treasurer, Nagaland Athletics Association, Neingulie Nakhro para.
Add Comment