Imphal, October 24, 2025: Manipur Security Forces khan para yete bishi Narcotics saman khan rukhabole aru duribole parishe koishe. Etu toh 3da Districts khan te operation kuri kina durishe koishe. Aru sobse bishi durea toh WY tablets ase koishe.
Authorities khan para 51 saal Md Muhammad Iboyai ke Bishnupur District laga Borayangbi Mayai Leikai para durishe koishe. Tai laga haat para WY Tablets, scooty ekta, Mobile phone aru Aadhaar card paishe koishe.
Aru operation te. Police khan para 54 saal Md Bogimayum Khommei ke durishe . Tai toh Imphal West District laga Paobitek Maning Leikai para ase koishe. Aru Officers khan para Senapati District te durishe koishe. National Highway 2 laga Rasta osor te. Police khan para 9 sabun daba paishe. Tate 119 Grammes laga Brown sugar thakhishe. Aru Mobile Phone , Documents aru Bag bi paishe koishe.
October 21 din te. Poice khan para 26 saal Sagomsungpham Sohail ke durishe koishe. Taike Imphal East District laga Khomidok Mayai Leikai te. Nijor laga ghor para durishe koishe. Tai laga haat para 91 Bottles laga Tusserex- Tr Cough Syrup aru Poisa Rs 12,780 aru Mobile paishe koishe.
Add Comment