Mohali, 25 October : Indian Super League laga team Punjab FC Friday din veteran Brazilian centre-back Pablo Renan dos Santos ke one-year contract te sign korise.
33 saal laga itu player free transfer pora join korise Indian Super Cup 2025 laga age te, jun Goa te October 25 pora shuru hobo. Itu Punjab FC laga itu haafta te dusra foreign signing ase, Spanish midfielder Dani Ramirez ke October 22 te sign koria pichete. Pablo, jun “Pablo” naam pora jane jai, bishi dangor international experience loi asey — tai laga career Brazil, Europe aru Middle East te ekta decade pora besi time dhori cholise.
India te notun challenge karone excited thaka Pablo koise, “Punjab FC ekta dangor season karone ready ase, aru moi asey fight koribole — itu badge karone, team karone aru supporters jun amikhan te biswas rakhe taikhan karone.” Tai add korise, “Moi ready ase India te itu challenge accept koribole.”
Add Comment