Andhra Pradesh, November 1 – Ekta dukhoni ghotona Friday din te hoishe Andhra Pradesh Srikakulam districtot thoka private Kasibugga Venkateswara Swamy Templeot, jate komse kom nine jon mori jaishe aru bisi manuh injure hoishe. Etu ghotona Ekadashi din te hoishe, juntu Karthika month aru Saturday logote milishe — ekta bishi special din jate bishi manu ahishe puja koribole.
Report hisap te, etu temple state Endowments Departmentor under te nohoi aru etu bishi kom manuh karone capacity rakhishe — matro 2,000 to 3,000 devotees logote. Kintu, etiya 15,000 pora upor manuh ahishe darshan koribole. Temple te matro ekta entry aru exit thaka karone, bhir ekdom beshi hoi jaishe aru situation control bahar te jaishe. Railing ekta steps logote, juntu lagbhag six feet unchai asile, bhangi jaishe aru panic shuru hoishe stampede ghoti jaishe.
Eyewitness khan koi ase ki, bishi manuh sehi step te pori jai aru anyekhan manuh nichey pisai jaishe. Local manuh aru police khan turant ahishe aru injure khan ke hospital loi jaishe. Official khan confirm korishe ki, sob morija devotees local area para ahishe special Ekadashi ritual koribole.
Chief Minister N. Chandrababu Naidu etu ghotona te dukh prakash kori inquiry order dishe aru morija paribar khan ke ex-gratia compensation dibo koikina announce korishe.
Etu stampede para ekta dangor question uthishe — private temple khan te crowd control aru safety rule bhal para follow kora nai. Expert khan suggest korishe ki, aji para government aru temple committee milikina strict safety rule aru proper coordination rakhibole lage jate aji laga nishena tragedy punah naho bole.
Add Comment