Delhi, November 1 – Etiya ekta notun proposal Delhi laga naam change korikina Indraprastha kori dibole mang kori ase, aru etu upor te dangor discussion chuli ase. BJP MP Praveen Khandelwal Union Home Minister Amit Shah ke request korishe, jate Delhi ke Mahabharat te mention kora Pandava khan laga rajdhani Indraprastha laga naam te rename kora dibole
Kintu historian khan etu idea ke oppose kori ase. Famous historian S. Irfan Habib koi ase, etu demand “insincere aru factually incorrect”, aru etu ekta communal narrative promote koribo nishena ase. Tai koi she Delhi laga history boh din para layered aru plural ase, etu ekta community laga naam te bondhi dibole nai.
Heritage expert Swapna Liddle bhi koi she ki Delhi laga identity time te change kori ahishe — Tomar, Mughal, aru British ruler khan para alak-alak influence paishe. Tai bujhai dishe ki Dilli naam etiya sob old city nishena Dhillika, Siri, aru Shahjahanabad ke include kori, ekta inclusive identity banai dishe.
Archaeologist khan bhi koi dishe ki etiya tak Indraprastha aru modern Delhi ek hai jagah ase buli confirm koribo nishena archaeological evidence nai. ASI laga excavation te bhi etu confirm nahoi.
Historian khan warning dishe ki mythological naam upor te city rename korile history distort hobo aru anya culture contribution bhi bhuli jabo pare. Tai khan suggest korishe ki government pollution, urban planning aru heritage protection upor te focus koribo lage, name change upor te nohoi.
Etu discussion dekhai dishe ki India laga history kinika bujha jai — myth laga lens para niki ekta diverse aru multi-layered narrative para.
Add Comment