London, 3 November : Stranger Things laga star Millie Bobby Brown ekta official complaint file kori ase tai laga co-star David Harbour laga upor te, tai kuina ase ki Harbour tai ke bullying aru harassment kori ase. Brown itu complaint file kori thakise tai laga alleged behavior upor te, aru ekta source laga hisab te, investigation itu matter te olop mahina tak chali thakise, itu report Daily Mail pora dise.
Harbour, juntu sabse besi jana jai as Jim Hopper Stranger Things te, tai laga net worth $6 million ase, itu Celebrity Net Worth pora confirm kora hoi. Itu role pora tai appreciation, international fame, ekta Emmy nomination, aru ekta Screen Actors Guild Award paise.
Daily Mail report kori ase ki Brown “harassment aru bullying claim” file kori thakise final season laga shooting shuru ho agey te, aru itu complaint te “pages aru pages laga accusations” likha thakise. Itu karone ekta internal investigation shuru kora hoi production pora. Report hisab te, Brown laga personal representative filming time te set te present thakise jate actress laga comfort aru safety ensure hoi.
Harbour uporte bhi internal questioning kora hoi allegation laga pichhe te. Netflix etiya tak itu matter te koi kowa statement release nakori.
Itu majot, Harbour laga purana comments Brown bishare social media te phaili jai ase itu controversy laga bich te. 2021 laga ekta interview te, That Scene with Dan Patrick podcast te, Harbour tai laga bond Brown logot bisi fondly koi thakise.
Add Comment