Mon, November 6 – Advisor for Social Welfare, Wangpang Konyak, Chief Guest toh graced kuri dishe Eye Camp Senior Citizens khan nimite 6th November 2025 te District Hospital Mon te. Etu programme Social Welfare Department aru Mercy Eye Centre Dimapur para milikina organise kuri dishe, District Hospital Mon para support kuri kina.
Wangpang Konyak laga speech te koishe ki tai khushi paishe ki tai part loi ase elderly manu khan laga eyesight restore kuri thaka programme te. Tai koishe, “Etu amikhan ke remind kuri ase ki amikhan laga elderly manu khan ke pichete chari diye nai.” Tai add kuri kina koishe ki Social Welfare Department laga kaam ase vulnerable group khan ke uplift kuri bole — social assistance, nutrition standard maintain kori bole aru juntu risk te ase, taikhan ke protect kuri bole. Etu logote elderly manu khan ke bhi assist kuri thake, tai koishe.
Tai government laga schemes khan mention kuri dishe — Old Age Pension, Elderly Helpline, aru Charity Care elderly manu khan karone. Tai inform kuri dishe ki government planning ase ki sob district te Old Age Home establish kuri dibo. Tai elders khan ke request kuri dishe ki doctor laga advice properly follow kuri jabo jate bhal para recover kuribo pare. Tai Mercy Eye Centre Dimapur, Dr. Chingkup Konyak aru tai laga team, aru District Hospital Mon ke bhi dhanyabad di dishe cooperation karone. Tai Deputy Commissioner Mon ke bhi thanks kuri dishe convenience dikhai thaka karone.
Deputy Commissioner Mon, Wennyei Konyak, tai laga short speech te gratitude dishe Advisor Social Welfare Department, Mercy Eye Centre Dimapur, aru District Hospital Mon ke camp organise kuri thaka karone. Tai koishe ki blindness problem amikhan laga society te ase karon lack of facilities aru lack of awareness karone. Tai encourage kuri dishe gathering khan ke timely check-up jabo jate bhal aru comfortable life thakibole.
Dr. Ngopole Keviechu, DTO Mon, tai eyesight laga importance aru eye problem laga medication bishor te share kuri dishe. Dr. Chingkup, Mercy Eye Centre Dimapur para, camp laga overview explain kuri dishe.
Programme Khonbeni Jami, CDPO Phomching para chair kuri dishe. Welcome address T. Yanlem, District Welfare Officer Mon para deliver kuri dishe. Invocation David Konyak, Chaplain District Hospital Mon para pronounce kuri dishe, aru vote of thanks Amilo Yanthan, CDPO Tizit para dishe.
Add Comment