November 07, 2025, 06:51 PM: State College of Teachers Education, Kohima (SCTE) para tai khn laga Golden Jubilee (1975-2025) celebrate kurishey, itu ‘Empowering Teachers, Enriching lives’ laga theme under tey, Capital Convention Centre tey, 07th November, 2025 tey.
Teacher Education laga Mokokchung College laga Principal – Dr. T Alemla Longkumer para greet kurishey aru tai laga appreciation extend kurishey, sob manu khan ke, kun khan toh hoiley tai khan laga contribution thaki kena asey, itu Jubilee karney. Tai laga address tey, tai para koishey ki, education toh hoiley buldi kuriboley laga gari asey, aru itu teacher khan toh hoiley budli aniboley laga main agent khan asey.
Principal Fazl Ali College, Dr. I. Wati Imchen para tai laga speech tey, koishey, ki, 50 saal complete kuria itu service dedicate kuria laga, itu education laga noble kaam karney, itu toh hoiley hosa para bhi ekta remarkable achievement asey aru itu jubilee toh hoiley mark kurey, khali ekta homoi jawa laga ekla nahoi, hoilebi ekta institution laga lamba homoi para legacy thaka laga, kuntu toh hoiley teacher education aru educational development laga heart asey, moi khan laga state tey.
Ex-Officio Director, Higher Education Department, V. Lovitoly Sema, NCS para mention kurishey ki, 50 saal toh hoiley ekta khali lamba homoi jai jawa laga ekla nahoi, hoilebi itu toh hoiley hosa thaka, resilience aru commitment thaka laga ekta testament asey.
Add Comment