Friday, November 7 – Hashmi aru Yami Gautam laga naya film Haq public logote bishi impact korishe. Film toh ekta strong courtroom drama ase, juntu Shah Bano case para inspire kore, aru women rights, faith aru justice upor te base kora ase.
Duita actor bhi bhal comment paishe, kintu Yami Gautam laga performance sobse beshi praise paishe. Tai Shazia Bano laga role te jiman powerful acting korishe, fans khan Twitter/X te National Award mangi ase. Ekjon user likhishe, “Haq laga sob scene te Yami Gautam ekdam alag level te ase,” aru ekjon anyta likhishe, “Jodi Yami Gautam ke National Award nadile, etu award ke insult hobo.”
Emraan Hashmi bhi appreciation paishe karon tai calm aru serious lawyer laga role bhal kori dikhai dishe. Director Aditya Suhas Jambhale laga direction bhi praise kora hoishe karon film toh drama ke avoid kori real emotion te focus korishe.
Film Haq ekta important social message loishe — women rights aru justice laga significance upor te. Yami Gautam laga performance fans khan laga mon jitishe, aru etiya sob wait kori ase jodi National Award committee bhi fans khan laga moto decision dibo na nai.
Add Comment