New Delhi, 8 November : Chess te, Raahul VS India laga 91st Grandmaster banise, kitia tai 6th ASEAN Individual Championship jiti loise ekta round bachi thaka te. Tai age te November 2021 te International Master (IM) title paise, kitia tai laga 4th aru 5th IM norm complete kori 2400 live rating cross kori loise.
Ekta haafta age, Chennai laga Illamparthi AR India laga 90th Grandmaster banise, kitia tai laga last norm Bosnia aru Herzegovina te thaka Bijeljina Open 2025 te paise. Tai age te, S Rohith Krishna August mahina te India laga 89th Grandmaster banise, kitia tai Kazakhstan te thaka Almaty Masters Qonaev Cup te 9 te para 6 point score kori 2500 Elo rating cross kori loise.
Grandmaster (GM) title hoishe Chess te sabse highest ranking, FIDE dwara diya jai — itu IM (International Master), FIDE Master (FM), aru Candidate Master (CM) laga upor te thaka rank ase.
Add Comment