Buenos Aires, 8 November : Lionel Messi November 14 te Angola logot Luanda te hobo laga friendly match te Argentina ke lead kuribo, itu manager Lionel Scaloni 24 jon player laga squad announce kurina janai dise, juntu te tinita naya (uncapped) player bhi include ase.
Benfica laga winger Gianluca Prestianni, Strasbourg laga forward Joaquin Panichelli aru Como laga midfielder Maximo Perrone — itu tinita notun player South American champion team laga call-up te thaki ase.
November 14 te Luanda te hobo laga itu match upcoming FIFA international window te South American team laga ekta matra friendly hobo.
Expect kori thaka hisab te, Messi Argentina laga attack lead kuribo, aru tate Lautaro Martinez aru Julian Alvarez bhi include ase.
World Cup aru Copa America reigning champion Argentina goalkeeper Emiliano Martinez ke napabo, l tai calf injury pora recover kuri ase.
Itu friendly match, 2026 FIFA World Cup — juntu United States, Mexico aru Canada te hobo — itu age tak Scaloni laga squad te experiment kuribole laga last opportunity ekta hobo.
Add Comment