Chennai, 8 November : Superstar Rajinikanth dangor shock paise kitia tai janise ki tai laga dangor bhai Sathyanarayana Rao Gaikwad heart attack suffer kori jaise aru hospital te ICU te admit kori dise. Itu khabar hunia pichete, Rajinikanth tai laga sob kaam chari, turant Bengaluru te jaise, juntu jagate tai laga bhai thake. Latest health update hisab te, 82 saal laga Sathyanarayana bhal recover kuri ase aru ICU pora bhi bahar ahi jaise.
Khabar hisab te, Sathyanarayana ke tai laga family Electronic City, Bengaluru te thaka ekta private hospital te loi jaise. Doctor khan etiya bhi tai laga health closely monitor kuri ase. Rajinikanth hospital te jaikina tai laga bhai ke visit kori situation check kuri loise.
Hospital te pahunchi tak Rajinikanth laga photo aru video khan bhi social media te viral hoise.
82 saal laga Sathyanarayana, Rajinikanth laga early struggle time te dangor role play kori thakise aru duijon laga bond bisi close ase. Rajinikanth tai laga bhai laga 80th birthday grand ceremony te celebrate kori thakise aru tai laga photo bhi social media te share kori thakise.
Etia Rajinikanth (74) “Jailer 2” laga shooting te ase. Recently tai Goa te baki shoot karone jaise kintu etiya wapas Chennai ahi jaise baki shoot complete kuribo karone.
Add Comment