New York, 8 November : Recording Academy Friday din 2026 Grammy Award laga nomination list release kuri dise. Itu bar bhi competition bisi tight ase, kintu ekjon naam sab pora upar te thaki ase — Kendrick Lamar. Tai 9 nomination loi lead kuri ase, juntu tai last saal bhi kori thakise. Tai piche Lady Gaga ase 7 nomination logot. Duita artiste wapas award season laga main spotlight te ahi jaise.
Lamar laga GNX aru Gaga laga MAYHEM February te hobo laga ceremony te “Album of the Year” category te include kora jaise. Duita jon bhi itu category te age tak jitana nai, jodi bar bar nominate hoi thakise.
Industry expert khan hisab te Lamar etiya thora advantage te ase. Tai laga 9 nomination album, record aru song category sob te spread kora ase, juntu Recording Academy voters pora broad support dekhai. Billboard Awards editor Paul Grein bhi Reuters ke koi dise ki Lamar laga momentum bisi strong dekhai ase, aru tai first solo male rap artist hobo pare “Album of the Year” jitibo, kintu tai etiya bhi add kori dise ki Lady Gaga “is always in the conversation.”
Lady Gaga laga 7 nomination tai ke Lamar piche closely rakhi ase. Tai laga album MAYHEM aru single Abracadabra duita major category te nominate kora jaise.
Sabrina Carpenter etiya 6 nomination loi ase, juntu te tai laga album Man’s Best Friend bhi include ase. Tai laga popularity aru commercial success last saal bisi barha pora, etiya mainstream pop te tai firmly establish hoi jaise.
Puerto Rican artist Bad Bunny bhi 6 nomination loi ase. Tai ahi saal Super Bowl halftime show headline kuribo, aru Grammy te major category — album, record aru song of the year — sob te nominate kora jaise.
Add Comment