New Delhi, November 8 – Ekta historic move te, Tesla shareholders khan approve kurishe ekta $1 trillion pay package Elon Musk karone, jun ekta world te sobse bishi expensive executive salary ase. Etu decision ahishe bishi discussion aru legal case pichete, aru etu dekhai ase ki Musk etiya bhi Tesla company te ekdam important role play kuri ase.
Even though paisa bishi ase, Musk nijor life te simple aru minimalist thake. Report hisap te, taikhan jane ase ki Musk ekbar SpaceX launch site side te ekta small prefab house te thaki thaki kaam kurithakishe. Taike 2020 aru 2021 te taikhan laga California bishi big-big house khan bhi sell kuri dishe.
Kintu Musk laga machine aru gaadi laga love toh etiya bhi ase. Tai laga vehicle collection te ase ekta 1976 Lotus Esprit—Bond movie The Spy Who Loved Me te use kora submarine car, aru bishi high-end Tesla prototypes bhi ase. Tai laga Gulfstream private jet bhi ase, juntu tai world bhar te travel kuribo karone use kure—Tesla, SpaceX, aru X (aga te Twitter) laga kaam karone.
Manu khan jane ase ki Musk taike laga eitu paisa SpaceX, Neuralink, aru xAI juntu project ase, taikhan te invest kuribo pare—especially Mars te human base banabo karone.
Kintu critics khan bhi question kurishe—etiya world te economic problem ase, tai etiya bishi paisa diya thik ase naki? Supporters khan toh koi ase ki—tai Tesla ke trillion-dollar company banai dishe, etu toh deserve kure.
Etu $1 trillion pay package logote, Elon Musk phir bhi prove kurishe ki tai laga journey alag ase – daring, big dream aru no fear.
Add Comment