Seoul, November 8 – Pyongyang khushi khushi nohoi, joint defence cooperation ke “provocation” buli koikina warning dishe strong action loi jabole.
North Korea Friday din (November 8, 2025) te ekta strong warning dishe, koi ase ki tai “offensive action” lobo US aru South Korea laga military provocation upor te. Etu ahibo US aru South Korea laga high-level security talks pichete, juntu time te US aircraft carrier USS George Washington Busan port, South Korea te ahishe.
North Korea laga Defence Minister No Kwang Chol koishe, etu sob action ase ekta “unprecedented threat” Pyongyang laga sovereignty karone. State media report hisap te, tai accuse korishe US aru South Korea ke, duita milikina nuclear aru conventional forces combine korikina North Korea ke target koribo. “Amikhan aru chup thakibo nai. Amikhan offensive action lobo jate amikhan laga nation dignity aru security protect hobo,” tai koishe.
Etu warning ahishe thik North Korea laga short-range ballistic missile test launch pichete, juntu East Sea te launch kora hoishe. US Indo-Pacific Command koishe etu launch ekdom immediate threat nohoi, kintu North Korea laga action sob region te tension barai ase.
Seoul aru Washington duita koishe taikhan laga joint drill aru defence meeting hoishe “defensive measure” peace aru deterrence maintain koribo karone. Kintu analyst khan bhoy pai ase, North Korea laga warning mane future te aru provocation aru countermeasure ahibo pare.
Etu hostility ahise time te jitu te nuclear negotiation already stop hoishe aru duita Korea majote mistrust barhi ase. Expert khan warning dishe – jodi diplomatic talk shuru nohoile, Korean Peninsula te next time ekta serious tension ahibo pare.
Add Comment