Phek District Tey DPDB Meeting Loishey

November 10, 2025 : Phek DPDB meeting loishey, DC laga Conference Hall, Phek tey para, 10^th November 2025 tey, kotey itu board para discuss kurishey aru itu 150^th Birth Anniversary observe kuriboley, Sardar Vallabhai Patel laga, kun ke toh hoiley India laga Ironman koi kena mati thakey, itu event toh 1^st November, 2025 tey loishey, Poster banawa laga competition conduct kuri kena, aru pitu pichetey, debate competition loishey, 10^th November, 2025 tey.

Deputy Commissioner & Vice Chairman DPDB, Phek, Rhosietho Nguoril kun toh hoiley, itu meeting tey chair kurishey, tai para state kurishey ki, dui din laga Commemorative program khan tey, Sardar@Unity March loboley asey, Phek town tey, ekta saaf safai laga drive organize kuri kena shuru kuriboley asey, 15^th November, 2025 tey. Itu laga regard tey, itu DC para sob government employee khan ke urge kurishey, alag alag department khan laga, active para itu mass participation tey participate kuriboley.