November 10, 2025: Ekta joint team, official khan thaki kena, itu Dimapur District Administration, Police, Traffic, PHED, Medical aru Commanding Officer para, itu 113 Infantry Battalion (Territorial Army) Rajput laga officer khan logotey milai kena ekta comprehensive on-ground recce conduct kurishey, 10th November, 2025 tey, Bhagat Stadium, Rangapahar tey para, itu forthcoming 14th din laga Territorial Army Recruitment Rally nimitey, kuntu toh hoiley 15th para 29th November, 2025 tak tey schedule kuria laga asey.
Itu recce toh hoiley pura candidate route toh cover kurishey, TCP Gate para itu rally laga venue tak tey, official khan thik thak para arrangement khan review kuri kena, crowd regulation, traffic control, safety barrier khan aru directional signage nimitey. Detailed check khan bhi kurishey, itu candidate marshalling tey aru holding area khan tey, smooth para documentation laga flow ensure kuriboley karney, batch formation aru thik para aha jawa kuriboley, itu assessment zone khan tey.
Itu main rally laga jaga tey, team khan para Physical Fitness Test (PFT) lanes, Physical Measurement aru Medical screening area khan inspect kurishey, aru itu logotey communication setup khan, water point khan, sanitation facility khan aru waste management system khan bhi thakishey. Itu collective effort toh hoiley identify aru address kuriboley aim kuria laga thakishey, kiba last minute gap khan, itu event laga commencement laga agetey.
Itu113 Infantry Battalion (TA) Rajput toh hoiley pura puri tyaar thaka laga dikhi pai asey, itu upcoming mega rally nimitey, dosta alag alag North Eastern State khan aru West Bengal para candidate khan involve thaki kena, itu laga dedication reaffirm kuri kena, ekta discipline thaka, merit -based aru candidate-friendly recruitment process karney – ekta bench mark set kuriboley, future collaborative civil-military initiative khan nimitey, itu region tey.
Add Comment