November 11, 2025, 06:10 PM: Dui din laga plenary session address kuri kena, itu 22nd Commonwealth Parliamentary Association (CPA) India Region Zone-III Conference laga, Kohima tey, 11th November, 2025 tey, itu Rajya Sabha laga Deputy Chairman – Harivansh para keynote address deliver kurishey, itu “Climate Change In the Light of Recent Cloudburst and Landslides in Some North East Region”, laga theme opor tey.
Climate budli hoa toh hoiley ekta sob para bishi challenges khan asey koi kena, itu homoi laga, Harivansh para koishey ki, itu laga effect khan toh hoiley bishi bhak toh North East feel kuria laga asey, bishi achanak aru bar-bar para cloudburst khan, landslides khan aru flash flood khan para. Tai para note kurishey ki, mid-2025 tey, itu region toh hoiley 800 landslide khan hoa laga record kurishey, itua hoa para manu khan laga life aru property khan loss hoa laga dikhi paishey.
Rabindranath Tagore laga poila laga warning – manu-jaati para nature ke exploitation kuria yaad kuri kena, tai para koishey, itu poet-philosopher laga kothakhan toh continue resonate kurey, itu duniya toh ecological imbalance aru temperature khan uthi thaka laga face kuri asey, aji laga homoi tey.
North Eastern state khan bhitor tey synergy nimitey mati kena, tai para legislature khan ke climate action lan khan prioritize kuriboley urge kurishey, effective para town plan kuriboley aru sustainable resource management kuriboley, indigenous gyan system khan aru community participation bhi prioritize kuriboley karney.
Add Comment