Wednesday, November 12 – Bollywood superstar Shah Rukh Khan laga son, Aryan Khan, tai laga 28th birthday November 12, 2025 te celebrate kurishe, aru tai laga family aru friends khan para bishi wishes ahishe. Aryan, jun ekta director aru writer hisap te nijor identity banai ase, tai laga sister Suhana Khan social media te likhishe, “Happy birthday, love youuu most.”
Ananya Panday, jun tai laga close friend ase, ekta group picture share kurishe jate Suhana, Bhavana Pandey, Maheep Kapoor aru Shanaya Kapoor bhi ase, aru caption diya ase, “Smileeee, it’s your birthday.” Shanaya Kapoor bhi tai laga directorial project The Bads of Bollywood*** laga behind-the-scenes photo share kurikina, taike “happy birthday” janai dishe.
Aryan Khan laga janam 12 November, 1997 te hoishe, aru tai Shah Rukh Khan aru Gauri Khan laga bacha te sobse dangor ase. Tai London laga Sevenoaks School te puri she, aru etu pichete University of Southern California’s School of Cinematic Arts para Fine Arts, Filmmaking aru Writing te degree loishe.
Aryan tai laga directorial debut The Bads of Bollywood*** Red Chillies Entertainment laga under te banai dishe, jun tai laga baba Shah Rukh Khan laga production house ase. Etu series toh tai laga first big step ase film industry te, aru fans khan next project karone bhi excited ase.
Add Comment