AIZAWL, January 24: Mizoram Chief Minister Zoramthanga pora Thursday te koise ke ruling Mizo National Front pora sitha National Democratic Alliance (NDA) charidibo juti Citizenship (Amendment) Bill hahtanai koile.
MNF workers khan ke Aibawk bosti te kotha koriya samoy te, Zoramthanga pora koise ki party aro tai laga government mon diye kena etu bill hataibole kam kori ase.
“Etu ruling party pora NDA logote chari dibo juti mamla biya hoise koile,” tai pora koise.
“State cabinet pora etu bill logote khilaf ekta resolution ke manise aro moi pora prime minister aro Union Home minister tweijun ke bi logpaise aro etu bill laga mamla khobor korise,” MNF chief pora koise.
Etu party toh Bill logote khilaf sobse aage te thakibo, Zoramthanga pora koise.
“Etu bill toh nalagaibo laage kile koile etu pora kahani dangor laga Mizo accord, India aro pohoila laga underground MNF majote 1986 te sign koriya ke hisab nakoriye,” tai koise.
Mizo National Front toh 1950s te olaise kile koile Central government pora Assam laga Mizo jakka te dukh-sukh(famine) samoy te eko kadam nalowa nimite.
Underground laga kam koriya bicche te, tai khan Union government logote 1986 te Mizoram Accord sign korise aro haatiyar chari dise.
Etu party jowa saal ekdum majority pora othise, Mizoram Assembly te 40 seats pora 26 jiti kena.
Add Comment