United States, November 15 – Ekta US-based AI company-te koishe ki tai ekta bishi dangor aro first-time AI-driven cyberattack foiled kuri dishe. Company-te koishe ekta China-state backed hacking group tai laga advanced AI model use kuri ekta large-scale cyber-espionage attempt kuri thakishe.
Company hisap-te, attackers-khanke AI tool manipulate kuri thakishe—jeta code likhibo aru debug kuribo nimite bonai thakishe—kintu tai khan malicious command directly na diya, olop-olop harmless lagibo nishena task-te separate kuri AI ke confuse kuri thakishe. Etu kuri AI-te thaka safety guard bypass kuri lobo parishe. Hackers-khanke ekta legitimate cybersecurity firm nisena act bhi kuri thakishe, etu para tai laga activity normal dekhai thakishe.
Etu attempt-te praye 30 organisation world-wide target kuri thakishe—major tech companies, financial institutions, chemical sector aru kiman government agencies bhi include kori kina. Investigation-te paishe ki praye 80–90 percent attack AI he automate kuri thakishe, human hackers khali ek-ek bar high-level guidance dibole intervene kuri thakishe. Etu dekhai dishe ki cyber-threat ekta nosta muk holi jaishe, jitu AI para barik-barik attack scale aru speed bishi te kuri bole para jaishe.
Attack time-te AI system kabhi-kabhi wrong login credentials generate kuri dishe aro fabricated information bhi dikhai dishe, jitu karone hackers pura succeed na hoi parishe. Kintu etu incident ekta dangor warning ase—“agentic AI” jitu independent task perform kuri pare, misuse hoile bishi dangerous hoi jabo pare.
Company khan koishe ki taikhan unusual activity detect kuri turant investigation shuru kuri dishe aru compromised accounts block kuri dishe. Target organisations-khanke bhi alert dishe Company-te warning dishe ki AI-powered attacks future-te bishi common hoi jabo pare, aru hostile groups khan nimite attack launch kuribo bishi easy hoi jaishe. Etu incident AI powerful aru autonomous hoi ja thaka karone stronger safeguards laga importance highlight kuri dishe.
Add Comment