Mizoram, 18 November : Mizo National Front (MNF) Friday te Mamit district laga Dampa assembly seat wapas retain kori loise. Tai laga candidate R. Lalthangliana Zoram People’s Movement (ZPM) laga candidate Vanlalsailova ke 562 vote difference te harai loise, Election Commission laga report hisab te.
Lalthangliana 6,981 vote loi loise — total vote share laga 40.23 percent. Tai laga sabse najik rival Vanlalsailova 6,419 vote paise, juntu 36.61 percent share ase. Congress candidate John Rotluangalian 2,394 vote loi third place te ahise. BJP nominee Lalhmingthanga 1,541 vote loi fourth te finish kuri loise. People’s Conference Party laga candidate K. Zahmingthanga 50 vote poll kuri loise.
Lalthangliana age MNF government te Zoramthanga laga leadership te health, commerce aru industries nishina portfolio handle kuri thaka cabinet minister bhi thaki loise.
Bypoll November 11 te hold kuri loise, voter turnout 83.07 percent ahise, total 20,888 electors vote cast kuri loise. Dampa seat vacant hoi jaise jitia sitting MNF MLA Lalrintluanga Sailo July 21 te death hoijai.
2023 assembly elections te Sailo Vanlalsailova ke 292 vote laga olop close margin te harai loise.
Add Comment