Tripura, 18 November : Tripura laga organic farming progress global stage te ahise, jitia Agriculture aru Farmers’ Welfare Minister Ratan Lal Nath state laga success story Dubai te rakha Middle East Natural & Organic Products Expo (MENOPE) 2025 te present kori loise.
Dubai World Trade Centre te rakha itu event te world laga organic producers, buyers aru investors ek sath te ahi loise. Tripura laga participation international delegates laga strong interest attract kori loise — especially state laga organic products nishina GI-tagged Queen Pineapple, aromatic rice variety (Kalikhasa, Harinarayan), Bird’s Eye Chilli, Gandharaj Lemon, White Sesame aru Foxtail Millet.
Minister Nath highlight kuri dise Tripura te 26,400 hectare pora besi certified organic farmland ase aru itu farmland 26,800 farmers manage kuri ase. Tai koi dise Tripura India laga leading example sustainable agriculture te uthi ahi ase — consistent policy support aru farmer network strong thaka karone.
Fifty-three organic farmers’ producer companies form kuri loise, juntu karone farmers laga product global market te reach kuri bole bisi easy hoi ase — aggregation, processing, branding aru direct sales streamline kuri dise. “Tripura laga organic farming initiative rural transformation aru export potential laga main driver banijaise,” Minister Nath attendees khan ke koi dise.
Queen Pineapple — jun naturally 16 pora 20 Brix tak sweetness thake — aru state laga black rice — jun antioxidant content pora famous ase — itu dui bishi praise loi loise buyers aru food industry representatives pora. International interest Tripura laga organic ginger, turmeric, aru foxtail millet uporot bhi bisi dangor hoi ase, especially Europe, Middle East, Japan aru Southeast Asia te demand barise karone.
Minister Nath Tripura laga emerging non-traditional export products nishina agarwood, agar oil aru bamboo shoots bhi promote kori loise, aru koi dise itu sob state laga traditional resources ke modern market te integrate kori bole broader strategy laga part ase.
Tai global buyers aru investors ke invite kori dise January 2026 te Tripura te rakha Organic Buyer–Seller Meet te participate kori bole — juntu state laga organic sector te deeper trade link aru investment aru barabole help koribo.
Add Comment