November 18, 2025: Itu District Level Committee para Nasha Mukt Bharat Abhiyaan (NMBA), Peren laga 5th Anniversary observe kurishey, itu Deputy Commissioner, Peren laga Office tey para, 18th November, 2025 tey, tatey Deputy Commissioner, Peren, Hiazu Meru special guest hisap thaki ken aitu programme ke grace kurishey.
Tai laga address tey, Hiazu Meru para state kurishey ki, itu Nasha Mukt Bharat Abhiyaan (NMBA) kuntu toh hoiley, “Drug Free India Campaign” koi kena koi thakey, itu toh hoiley ekta flagship initiative asey, itu India laga Government laga, kuntu toh hoiley 15th August, 2020 tey launch kuria laga thakishey, itu barit haka challenge address kuriboley, substance abuse laga, itu country bhitor tey. Itu Abhiyaan laga 5th saal mark kuri kena, tai para emphasize kurishey ki, itu programme toh hoiley, Social Justice aru Empowerment laga Minister para spearhead kuria laga asey. Drug-related issue khan laga gravity highlight kuri kena, India laga alag alag jaga khan tey. Tai para koishey ki, substance abuse combat kuria toh hoiley khali government department khan laga ekla responsibility nahoi, hoilebi itu tey sob stakeholder khan laga collective involvement hoboley lagi asey, civil society organization khan, tribal body khan, church institution khan, studet community khan aru youth organization khan bhi milai kena. “ Itu collaborative approach toh hoiley itu India laga Government laga strategy laga heart tey asey”, tai para note kurishey.
Meru para stress kurishey ki, awareness generation toh hoiley, ekta major objective khan thaki kena asey, NMBA laga. Tai para state kurishey ki, itu event toh hoiley, leader khan ke sensitize kuriboley laga purpose logotey organize kuria laga thakishey, alag alag organization khan aru government department khan laga, itu awareness aru mitigation laga importance opor tey.
Add Comment