Lebanon, 19 November 2025: At least 13 manu ke murai dishey Israeli hamla te Palestinian refugee camp osor te southern Lebanon te, country laka health ministry pra janai dishey. Israeli military khan koishey taikhan Palestinian armed group Hamas laka members khan ke target kuri shey training compound te operate kuri thaka Ein el-Hilweh jaka te. Taikhan koishey location toh chulai shey Hamas pra hamla aro plan khan kuribo leh Israeli against te, kun toh Hamas pra reject kuri shey fabrication aro misa ase koina. Israel khan regular air hamla kuri shey manu aro jaka opor te Lebanon te deal toh conflict khotom kuribo leh Iran-backed armed group Hezbollah lokot. Bishi wala hamla toh Hezbollah ke target kuri shey hoileh b Israel khan Hamas ke b hamla kuri shey country te.
Lebanons’ health ministry pra koishey at least charta manu ke jokom kuri dishey hamla te. Images dikhai shey emergency workers khan Ein el-Hilweh laka entrance te, sopse dangor Palestinian refugee camp Lebanon te.
Add Comment