Kingston, 19 November : Curacao, itu Caribbean island, itihaas bonai dise, karon tai FIFA World Cup te qualify kora sobse chutu desh hoi jaise. Kingston te Jamaica laga khilaf te ekta draw paise, 156,000 manu thaika itu chutu island te bisi celebrate hoise.
90 minute laga tense match te, National Stadium te Curacao Jamaica laga attack ekta por ekta absorb kori thakise. Jamaica laga national football team second half te bisi chance create korilebi, Curacao laga defence discipline dangor te firm thakise.
Final whistle te, Curacao laga players khushi te loi pori jaise, karon tai ekta aji bodi manu bhabi napara achievement result kori loise. Itu goalless draw te, Curacao Group B te top finish kori loise — six match te 12 points, aru Jamaica laga upor te ekta point advantage.
Ahia saal World Cup 48 team te expand hobo, tai karone emerging football nations te chance dangor hoi ase, kintu Curacao laga itu achievement alag te dangor upai te stand out kori ase.
Add Comment