Inter-ministerial central team Peren district visit kurishe

Peren, November 20 – Inter-Ministerial Central Team (IMCT) Delhi para 20th November 2025 te Peren district visit kurishe, 2025 monsoon time te landslide aru flash flood karone hobo thaka damage aru relief work laga spot assessment kuribole. Team toh state para kora relief work aru additional central assistance admissible ase naki etu bhi check kuribole ahishe.

Meeting toh Deputy Commissioner laga conference hall, Peren te hold kurishe, juntu te flash flood para hobo thaka landslide-related issues upor detailed discussion kurishe, necessary action loi jabole.

Central Ministerial team toh Gaya Prasad, Joint Secretary, Ministry of Home Affairs (MHA) laga leadership te ahishe. Tai logote thakishe:Sanjeep Kumar Suma, Director, Dheeraj, Regional Office, Mahesh Kumar, Deputy Director – FCD, Chahat Singh, Assistant Commissioner, Nirmala S. Jain, Scientist/Engineer “SE, Johny Ruangmei, Joint CEO, NSDMA.

Deputy Commissioner Peren, Hiazu Meru, PowerPoint presentation para continuous heavy rainfall karone district te hobo thaka landslide-related affected areas highlight kurishe. Several residential colony te buildings, agricultural crops, paddy aru king chilly laga heavy damage hobo laga kotha tai bujai dishe. Tai departments khan bhi agriculture aru horticulture crops te hobo thaka major loss mention kurishe.

DC Hiazu Meru koishe ki heavy rainfall karone district te bishi jagah te leaves defoliation hobo para inconvenience toh bishi hobo, aru 2025 te hobo thaka fire incident aru insect pest affect kuri thaka agriculture products laga kotha bhi Central team ke inform kurishe. Tai koishe ki monsoon rain karone dams, channels aru earthen channels nisina irrigation structures khan bhi bishi damage hoishe. Tai additionally inform kurishe ki NH-29 Patkai–Kukidolong stretch block hobo time te use kora Pimla–Mhainamtsi alternative road landslide karone damage aru affected hoishe.

Inter-Ministerial Central Team laga leader Gaya Prasad koishe ki heavy rainfall aru flash flood karone hobo thaka damage khan PowerPoint presentation para clearly dekha pai loishe. Tai departments khan ke flood aru landslide karone hobo thaka grievances aru issues share kuribole request bhi kuri dishe.